یاریگا-
یانەی ئەستۆن ڤێلای ئینگلیزی ئەمڕۆ چوارشەممە گواستنەوەی یاریزانی جامایكی لیۆن بایلی یاریزانی بایرن لیڤەركوزنی ئەڵمانی بۆ ڕیزەكانی ڕاگەیاند.
ئەستۆن ڤێلا لە هەژماری فەڕمی خۆیان لە تۆڕی كۆمەڵایەتی تویتەر بەشێوەیەكی فەرمی گواستنەوەی یاریزانە 23 ساڵانەكەی بۆ ڕیزەكانی ڕاگەیاند و بەشێوەیەكی سەركەوتوو پشكنینە پزیشكیەكانی تێپەڕاند و واژۆی لەسەر گرێبەستەكەی تا ساڵی 2025 كرد.
It's time to #WelcomeLeon. 🇯🇲@LeonBailey is an Aston Villa player! 🙌
— Aston Villa (@AVFCOfficial) August 4, 2021
لە بەیاننامەكەشدا هاتووە كە هێرشبەرە جامایكیەكە بەشداری 10 یاری نێودەوڵەتی كردووە و لە ماوەی سێ وەرزدا لەگەل بایرن لیڤەركوزن 39 گۆڵی كردووە و 22 گۆڵیشی درووست كردووە.