یاریگا-
ڕۆناڵدینهۆ ، ئەستێرەی پێشووی هەڵبژاردەی بەڕازیل و یانەی بارسێلۆنای ئیسپانی ئامۆژگاری لیۆنێل میسی ئەرجەنتینی و ئەفسانەی یانەی بارسێلۆنا دەكات.
لە لێدوانیدا ڕۆناڵدینهۆ كە ڕۆژنامەی مۆندۆ دیپۆرتیڤۆی ئیسپانی بڵاویكردووەتەوە ووتی: پێوویستە بمێنێتەوە چونكە ئەو مێژووی بارسێلۆنایە.
هەروەها ووتیشی: ئەو كاتەی میسی واز لە یاریكردن دەهێنێت كە هیوادارم ئەوە دوای ماوەیەكی دوور و درێژ بێت ، پێوویستە درێسی ژمارە 10 هەڵبگیرێت لێرە و هیچ كەسێكی دیكە ئەو ژمارەیە لەبەرنەكاتەوە.
شایەنی باسە خوان لاپۆرتای سەرۆكی یانەی بارسێلۆنای ئیسپانی گەشبینە بە نوێكردنەوەی گرێبەستی ئەفسانەی یانەكەیان و چاوەڕوان دەكرێت دوای گەڕانەوەی لە پشووەكانی هاوینەی لیۆنێل میسی واژۆ لەسەر نوێكردنەوەی گرێبەستەكەی بكات لەگەل بلاوگرانا.
گرێبەستەكەی میسی لەگەل بارسێلۆنا ماوەی نزیكەی مانگێكە بەسەرچووە و لە ئێستادا یاریزانەكە بێ یانەیە و ئازادە.
