یاریگا-
دەستەی بەڕێوەبەرانی یانەی ئینتەر میلانی ئیتاڵی نرخێكی خەیاڵی بۆ فرۆشتنی ڕۆمێرۆ لوكاكۆی بەلجیكی و هێرشبەری یانەكەیان دادەنێن.
بەپێی زانیاریەكانی ڕۆژنامەی ” توتۆ سپۆرت ”ی ئیتاڵی یانەی چێڵسی ئینگلیزی هەوڵی بەدەستهێنانی لوكاكۆ دەدات ئەگەر سەركەوتوو نەبێت لە گواستنەوەی ئیرلینگ هالاندی نەرویجی و هێرشبەری یانەی بروسیا دۆرتمۆندی ئەڵمانی.
هەمان سەرچاوە ئاشكرایكردووە كە نیكۆلا بارێلا و ئەلیساندرۆ باستۆنی و ڕۆمێرۆ لوكاكۆ ئەستێرەكانی ئینتەر میلان ئەستەمە یانەكە دەستبەرداریان بێت لە گواستنەوەكانی ئەم هاوینەدا ، بەلام تاكە ڕێگا ئینتەر بیر لە فرۆشتنی لوكاكۆ بكاتەوە ئەوەیە ئۆفەرێكی بە بڕی 120 ملیۆن یۆرۆ بۆ بێت.
لە هاوینی 2019 بە بڕی 75 ملیۆن یۆرۆ ئینتەر میلان لوكاكۆی لە مانچێستەر یونایتدەوە گواستەوە ڕیزەكانی و توانیان نازناوی سكۆدێتۆی وەرزی ڕابردوو ببەنەوە.
