یاریگا–
کارگێری یانەی مانچێستەر یونایتدی ئینگلیزی لەسەر داوای ئۆلێ گێنار سۆلشایەر راهێنەری یانەکەیان، راهێنەرێکی نوێیان بۆ ستافەکەیان دەست نیشانکرد.
ماڵپەری فەرمی یانەی مانچێستەر یونایتدی ئینگلیزی بڵاویکردەوە دوای ئەوەی راهێنەری یانەکەیان داوای کرد کە کەسێکی دیکە لە ستافەکەیان وەکو یاریدەری زیاد بکرێت، ئەمڕۆ لەگەڵ ئێریک رامسی راهێنەری تیپی خوار تەمەنی 23 ساڵانی یانەی چێڵسی گەیشتنە رێکەوتن و ئەو راهێنەرە لاوە وەرزی داهاتوو لە تیپی یەکەمی یانەکەیان دەبێتە هاوکاری سۆلشایەر.
پێشتریش شەیتانەی سوورەکان هەر لەسەر داوای راهێنەرەکەیان، کەسێکی دیکەیان وەکو راهێنەری لێدانە راستەوخۆکان لە ستافەکەیان زیاد کردووە.