یاریگا–
لاوتارۆ مارتینێز، هێرشبەری هەڵبژاردەی ئارجێنتینا دوای گەڕانەوەی بۆ ماڵەکەی و بەدەست هێنانی ناسناوی کۆپا ئەمریکا، خەریکبوو خۆشیەکانی لێ ببێتە شینی و هەموو شتێک لەبیر بکات.
یاریزانەکەی تانگۆ لەگەڵ هاوسەرەکەی لە ماڵەوە بوون، کاتێک خێزانەکەی بریار دەدات دایبی نینای کچی بگۆڕێت، لەو کاتە کچەکەی لەسەر مێزەکەی بەردەبێتەوە و سەری بەر زەوی دەکەوێت، پاشان لەگەڵ هاوسەرەکەی بەپەلە دەیگوازنەوە بۆ نەخۆشخانە و دوای چەند کاتژمێرێک پزیشکی تایبەتی منداڵان دڵنیایان دەکاتەوە کە منداڵەکەیان هیچ زیانێکی بەرنەکەتووە و سەلامەتە.
دوای ئەم روداوە هاوژینی لاوتارۆ مارتینێز لە تۆڕی کۆمەڵایەتی ئینستاگرام وێنەیەکی نینای کچەکەی بڵاوکردەوە و سوپاسی خوا دەکات کە باری تەندروستی جێگیرە.
