یاریگا-
یانەی ڕیاڵ مەدریدی ئیسپانی هەڵوێستی خۆی سەبارەت بە فرۆشتنی ڕافایل ڤارانی فەڕەنسی و بەرگریكاری یانەكەی ئاشكرا كرد.
ڕۆژنامەنووسی باوەڕپێكراو فابریزیۆ ڕۆمانۆ لە تۆڕی هەواڵی سكای سپۆرت ئاشكرایكرد: ڕیاڵ مەدرید هیچ ئۆفەرێك بە بڕی 40 بۆ 45 ملیۆن یۆرۆ بۆ گواستنەوەی ڤاران وەرناگرێت و دەیەوێت زیاتر لەو بڕەی دەستبكەوێت.
هەروەها ئەوەشی ئاشكراكرد لە ئەگەری پێنەدانی ئەو بڕە پارەیەی كە دەیانەوێت ئەوا ڕیاڵ مەدرید و كارلۆ ئەنچیلۆتی ڤاران بە مانەوە لە یانەكە ڕازی دەكەن.
شایەنی باسە یانەی مانچێستەر یونایتدی ئینگلیزی لەسەر هێڵن بۆ گواستنەوەی بەرگریكارە فەڕەنسیەكە بۆ ڕیزەكانیان.
ڕافایل ڤاران لەگەل هەڵبژاردەی فەڕەنسا لە قۆناغی شانزەی جامی نەتەوەكانی ئەوروپا ماڵئاواییان لە پاڵەوانیەتیەكە كرد ،دوای ئەوەی بەرامبەر سویسرا بە لێدانی یەكلاكەرەوە شكستیانهێنا.
