یاریگا–
کلیان مباپێ، هێرشبەری فەرەنسی یانەی پاریس سانجێرمانی ئەم وڵاتە سوورە لەسەر جێهێشتنی ریزەکانی یانەکەی و ئەو یانەیەش چاوەڕێ داهاتووی کریستیانۆ رۆناڵدۆ هێرشبەری پۆرتوگالی یانەی یۆڤێنتۆسی ئیتاڵی دەکات.
کەناڵێ ABC ئیسپانی بڵاویکردەوە کە کارگێری یانە فەرەنسیەکە چاوەڕێ داهاتووی گۆڵکارە پۆرتوگاڵیەکەی خانمە پیرەکە دەکات و ئەگەر ئەو یاریزانە ئامادەبێت ریزەکانی یانەکەی جێبێڵێت، ئەو کات ئەوان هەموو هەوڵێک دەدەن وەکو شوێنگرەوەی هێرشبەری یانەکەیان بیگوازنەوە، بۆیە چاوەڕێ دەکرێت دۆن کلیلی گواستنەوەی هێرشبەرەکەی شازادەکان بێت بۆ ریزەکانی شایانەکان.
ئەو سەرچاوەیە ئاماژەی بەمەش کردووە یانەی ریال مەدرید ئەم هاوینە ئامادەیە بەرامبەر 160 ملیۆن یۆرۆ کلیان مباپێ بۆ ریزەکانی بگوازێتەوە، 110 ملیۆن یۆرۆ وەکو تێچووی خەرجی گواستنەوەکە و هەروەها 50 ملیۆنیش وەکو پاداشت پێشکەشی دەکات.