مێژووی رووبەرووبوونەوەکانی بەڕازیل و ئەرژەنتین لە یاری کۆتاییدا
ئەوە روونە ئەرژەنتین و بەڕازیل یەکێکن لە دێرینترین کلاسیکۆکانی مێژووی تۆپی پێ و یاری نێوانیان بە کلاسیکۆی زەوی ناوزەند دەکرێت، لە یارییەکی ئاگریندا و لە یاری کۆتایی کۆپا ئەمێریکای ٢٠٢١ بەیەک دەگەن.
دوو وڵاتە زەبەلاحەکەی ئەمریکای باشوور و جیهان، تەنها چوار جار لە یاری کۆتایی پاڵەوانێتییەکی فەرمی رووبەرووی یەک بوونەتەوە. یەکەم یارییان لە ساڵی ١٩٣٧ بوو کاتێک پاڵەوانێتی ئەمریکای باشوور (کۆپا ئەمێریکای ئێستا) بەیەک گەیشتن تێیدا ئەرژەنتین یارییەکەی ٢-٠ بردەوە.
ئەمە تاکە بردنەوەی ئەرژەنتینە لە یاری کۆتاییدا بەرامبەر بەڕازیل و ئەنجامەکانی دیکە بەم جۆرە بووە
کۆپا ئەمێریکا ٢٠٠٤: بەڕازیل بە لێدانی یەکلاکەرەوە
جامی کیشوەرەکان ٢٠٠٥: ٤-١ لە بەرژەوەندی بەڕازیل
کۆپا ئەمێریکا ٢٠٠٧: بەڕازیل ٣ – ٠ سەرکەوتنی بەدەستهێنا.
لە جامی جیهانی
دوو رکابەرە دێرینەکە هەرگیز لە یاری کۆتایی جامی جیهانی یارییان نەکردووە بەڵام لە قۆناغەکانی دیکەدا چوار جار رووبەرووی یەک بوونەتەوە لە نێوان ساڵانی ١٩٧٤- ١٩٩٠
تێیدا بەڕازیل دوو جار براوە بووە، جارێک ئەرژەنتین، وە جارێکیش بەرامبەربوون
