میسی ستایشی ئاستی مارتینیز دەكات

یاریگا-

لیۆنێل میسی ئەفسانەی هەڵبژاردەی ئەرجەنتین باس لە بردنەوەكەیان دەكات لە كۆڵۆمبیا و گەشتنیان بە یاری كۆتایی كۆپا ئەمریكای 2021.

هەلبژاردەی ئەرجەنتین توانی بە لێدانی یەكلاكەرەوە لە هەڵبژاردەی كۆڵۆمبیا بباتەوە و خۆی بگەیەنێتە یاری كۆتایی كۆپا ئەمریكا.

دوای یاریەكە میسی لە هەژماری تایبەتی خۆی لە تۆڕی كۆمەڵایەتی ئینستاگرام نووسیوویەتی:

” سەربەرز و دڵخۆشم كە بەشێكم لەم گروپە ، ئامانجێكی دیكەمان بەدەستهێنا بەرەو بەدەستهێنانی ئامانجە گەورەكە دەڕۆین ، سوپاس بۆ خوا كە بەردەوام بوو لە پێدانی ئەو جۆرە ساتانە ”.

سەبارەت بە ئاستی مارتینیز ووتی: ”بە بێ قسە تۆ شایەنی ئەوەیت ئەی پاڵەوان ”.

هەڵبژاردەی ئەرجەنتین لە یاری كۆتاییدا ڕووبەڕووی هەڵبژاردەی بەڕازیل دەبێتەوە.