ئەستێرەیەكی هەڵبژاردەی ئیتاڵیا بەهۆی پێكانەوە ناتوانێت بەشداری یاریەكانی داهاتوو بكات

یاریگا- 

ڕۆبەرتۆ مانچینی ، ڕاهێنەری هەڵبژاردەی ئیتاڵیایە گورزێكی كوشندەی بەركەوت دوای ئەوەی یەكێك لە كۆڵەكە سەرەكیەكانی پێكهاتەكەی ناتوانێت لە یاریەكانی داهاتوودا بەشداری بكات.

ئیتاڵیا توانی بە ئەنجامی دوو گۆڵ بەرامبەر گۆڵێك لە بەلجیكا بباتەوە و توانی خۆی بگەیەنێتە قۆناغی پێش كۆتایی جامی نەتەوەكانی ئەوروپای 2020.

گۆڵەكانی ئیتاڵیا لەلایەن بارێلا و ئینسینیەوە تۆمار كران و تاكە گۆڵەكەی بەلجیكاش لوكاكۆ بەلێدانی سزا تۆماریكرد.

بەپێی تۆڕی سكای سپۆرت لیۆناردۆ سپینازۆلا بۆ ماوەی مانگێك لە یاریگاكان دوور دەكەوێتەوە و بەوەش ناتوانێت بەشداری هیچ یاریەكی دیكەی هەڵبژاردەكەی بكات.

شایەنی باسە لە خولەكی 79 بەهۆی پێكانەوە ئەستێرەكەی ئازۆری یاریگای جێهێشت و ئیمیرسۆن بالمیری جێگای گرتەوە.

ئیتاڵیا لە قۆناغی پێش كۆتایی ڕووبەڕووی هەڵبژاردەی ئیسپانیا دەبێتەوە.