یاریگا–
برایم دیاز، یاریزانی یانەی ریال مەدریدی ئیسپانیا وەرزی داهاتووش بەشێوەی خواستن لە ریزەکانی یانەی ئەیسی میلانی ئیتاڵیا بەردەوام دەبێت لەگەڵ مەرجی کڕینەوەی هەمیشەیی ئەو یاریزانە لەلایەن یانە ئیتاڵیەکە.
ئانتۆنیۆ ڤیتۆلۆ رۆژنامەنوسی نزیک لە یانەی ئەیسی میلانی ئیتاڵیا لە هەژماری فەرمی خۆی لە تۆڕی کۆمەڵایەتی تویتەر بڵاویکردەوە کە کارگێری ئەو یانەیە لەگەڵ یانە ئیسپانیەکە گەیشتووەتە رێکەوتن و ئەو یاریزانە وەرزی داهاتووش بەشێوەی خواستن یاری بۆ رۆسێنەری دەکات و بەرامبەر ئەو گرێبەستە کاتیەش سێ ملیۆن یۆرۆ پێشکەشی شایانەکان دەکرێت.
ئەو رۆژنامەنوسە بڵاویشی کردووەتەوە ئەیسی میلان مەرجی کڕینەوەی هەمیشەیی برایم دیازی لە گرێبەستەکەدا بەرامبەر 22 ملیۆن یۆرۆ گونجاندووە و لە بەرامبەردا یانەی ریال مەدریدیش دەتوانێت دووبارە ئەو یاریزانە بەرامبەر 27 ملیۆن یۆرۆ بگەڕێنێتەوە،
