خوله‌کانی دیکە
بەلجیکا ئومێدی بە گەڕانەوەی دێ بروین و هازارد هەیە بەر لە یارییەکەی ئیتاڵیا
یاریگا-رۆبێرتۆ مارتینێز راهێنەری هەڵبژاردەی بەلجیکا رایگەیاند دوور نیە هەردوو ئەستێرەی بەلجیکا کێڤن دێ بروین و ئێدین هازارد بتوانن بۆ یارییەکەی ئیتاڵیا ئامادەبن.
ئەو دوو یاریزانە لە یاری قۆناغی ١٦ بەرامبەر پۆرتوگال تووشی پێکان هاتن و سەرەتا راگەیەندرا تا دوای یارییەکەی ئیتاڵیا ناگەڕێنەوە بەڵام ئەمڕۆ مارتینێز وتی “ئەوان پێکانی زۆر قورسیان نیە و ئەمەش مانای ئەوەیە بەتەواوی دوور نەخراونەتەوە، ئازارێکی زۆریان نیە و دەتوانن بەشێک لە مەشقەکان ئەنجام بدەن، تەنها کێشە ئەوەیە یارییەکەی ئیتاڵیا نزیکە و رۆژی هەینییە بەڵام با بزانین چۆن دەبێت”.
بەلجیکا دوای پێکانی دێ بروین لە یارییەکەی پۆرتوگال تووشی زەحمەتی زۆر هات بەڵام سەرەنجام بە گۆڵێکی تۆرگان هازارد سەرکەوتنییان مسۆگەرکرد.
