یاریگا-
وادەی ڕاگەیاندنی نوێكردنەوەی گرێبەستەكەی لیۆنێل میسی ئەرجەنتینی و ئەفسانەی یانەی بارسێلۆنای ئیسپانی لەگەڵ یانەكەی ئاشكرا بوو.
گرێبەستەكەی میسی لەگەل بارسێلۆنا لە كۆتایی ئەم مانگەدا بەسەردەچێت.
ڕۆژنامەنووسی باوەڕپێكراو فابریزیۆ ڕۆمانۆ لە تۆڕی هەواڵی سكای سپۆرت ئاشكرایكرد:
” نوێكردنەوەی گرێبەستی میسی لەگەڵ بارسێلۆنا كۆتاییهاتووە ، ئیدارەی بارسێلۆنا و خێزانی میسی ئێستا هەست بە متمانەكردن دەكەن بۆ ئەوەی بە شێوەیەكی فەرمی هەفتەی داهاتوو نوێكردنەوەی گرێبەستەكەی تا ساڵی 2023 ڕابگەیەندرێت ، لە ئێستادا هەردوولا كار لەسەر وردەكاری كۆتایی گرێبەستەكە دەكەن ”.
وەرزی ڕابردوو ئەفسانە ئەرجەنتینیەكە بەشێوەیەكی فەڕمی داوای ڕۆشتنی كرد لە یانەكەی دوای ناكۆكی لەگەڵ جۆسێپ ماریا بارتۆمیۆی سەرۆكی ئەو كاتی بلاوگرانا.
