یانەی بارسێلۆنا پشتگیری هاورەگەزخوازەکان دەکات
یاریگا–
یانەی بارسێلۆنای ئیسپانیا وەکو کاردانەوەیەک بەرامبەر رێگە نەدان بە یانەی بایرن میونشنی ئەڵمانیا بۆ نمایش کردن ئاڵای هاورەگەز خوازەکان لە کاتی بەڕێوەچوونی یارییەکانی جامی نەتەوەکانی ئەوروپای 2020 پشتگیری خۆیان بۆ ئەو چینە راگەیاند.
کەمێک پێش ئێستا یانە کەتەلۆنیەکە لە هەژماری فەرمی خۆی لە تۆڕی کۆمەڵایەتی تویتەر لۆگۆی یانەکەیان لەسەر ئاڵای هاورەگەزخوازەکان داناوە و وێنەکەیان پۆست کردووە و وەکو پاڵپشتیەکە بەرامبەر ئەو چینە نوسیویانە PRIDE & RESPECT واتە ” شانازی و رێز ”.
زۆربەری یانەکانی جیهان بە تایبەتی لە ئینگڵاند زۆر بە ئاشکرایی پاڵپشتی هاورەگەزخوازەکان دەکرێت، بۆ ئەم مەبەستەش فێدراسیۆنی تۆپی پێ ئەڵمانیا لە پلانەکانیاندا هەبوو دەوروبەری یاریگای ئالیاز ئارێنا بە ئاڵای ئەو چینە برازێننەوە، بەڵام لەلایەن یەکێتی تۆپی پێ ئەوروپا رێگریان لێکراوەو رایانگەیاندووە ئەوان رێگە نادەن هیچ دروشمێکی سیاسی بڵاوبکرێتەوە.
