یاریگا–
دوای پێشکەش کردنی ئاستێکی نایاب لەگەڵ هەڵبژاردەی ئیتاڵیا، کارگێری یانەی یۆڤێنتۆسی ئەم وڵاتە لە هەوڵی ئەوەدایە بۆ وەرزی داهاتوو مانوێل لوکاتێلی ناوەڕاستکاری ساسولۆ بۆ ریزەکانی بگوازێتەوە.
رۆمێئۆ ئاگرێستی رۆژنامەنوسی ئیتاڵیا زانیاری دەستکەوتووە، کارگێری خانمە پیرەکە دەیەوێت پێنج شەمەی داهاتوو بەمەبەستی گواستنەوەی ناوەڕاستکارەکەی ساسولۆ، لەگەڵ بەرپرسانی ئەو یانەیە کۆببنەوە و ئامادەن لە پێناو گواستنەوەی ئەو یاریزانە، 30 ملیۆن یۆرۆ و دوو لە یاریزانەکانی پێشکەشی ئەو یانەیە بکەن، بۆیە چاوەڕێ دەکرێت وەرزی داهاتوو ئەو یاریزانە درێسی بیانکۆنێری لەبەر بکات.
لوکاتێلی لە ساڵی 2016 لە تیپی لاوانی ئەیسی میلانەوە بەهۆی ئاستە باشەکەی گواسترایەوە تیۆی یەکەم و دواتر بە شێوەی خواستن گواسترایەوە یانەی ساسولۆ و دواجاریش لە ساڵی 2019 گرێبەستەکەی لەگەڵ ئەو یانەیە کرایە هەمیشەیی و لە ساڵی 2023 کۆتایی دێت.