یاریگا-
گاریس بەیڵ ، كاپتنی هەڵبژاردەی وێڵز و یاریزانی یانەی ڕیاڵ مەدرید دووپاتیكردەوە پەیوەندی لەگەڵ كارلۆ ئەنچیلۆتی ڕاهێنەری ریاڵ مەدرید زۆر باشە و ئامادەیە بۆ كاركردن لەگەلیدا.
لە كۆنگرەی ڕۆژنامەوانی پێش یاریەكەیان بەرامبەر ئیتاڵیا گاریس بەیڵ ووتی: ئەوەی پێوویستە بیڵێم ئەوەیە كە پەیوەندیم زۆر باشە لەگەڵ ئەنچیلۆتی ، ئەو ڕاهێنەرێكی گەورەیە و زۆر شتی گەورەی بۆ ڕیاڵ كردووە.
هێرشبەرە 31 ساڵانەكە وەرزی ڕابردوو بە شێوەی خواستن یاری بۆ تۆتنهام دەكرد.
سەبارەت بە یاریەكەیان بەرامبەر ئیتاڵیا ووتی: هەول دەدەین یاریەكە ببەینەوە و بە پێشەنگی كۆمەلەكە خۆمان بگەیەنینە قۆناغی داهاتوو.
ئیتاڵیا بە كۆكردنەوەی شەش خاڵ پێشەنگی كۆمەڵەی یەكەمی گرتووە و وێڵزیش لە پلەی دووەم دێت بە كۆكردنەوەی چوار خاڵ.
