خوله‌کانی دیکە
یاریزانەکانی کاڵچیۆ باشترینەکانی یۆرۆن
یاریگا-پێچەوانەی لالیگا و پریمەرلیگ، یاریزانانی خولی ئیتاڵی دەدرەوشێنەوە لە یۆرۆ و دوای کۆتایی هاتنی گەڕی دووەم زۆربەی ئامارەکانیان داگیرکردووە.
لە کۆی ٥٥ گۆڵ کە تا ئێستا لە پاڵەوانێتییەکە تۆمارکراون، ١٨یان لەلایەن یاریزانانی خولی ئیتاڵییەوە بووە، هەروەها لە کۆی ٢٤ یاری، ٩ جار باشترین یاریزانی یارییەکە لەو خولە بووە.
لە شەش گۆڵکاری پاڵەوانێتییەکە تا ئێستا، پێنجییان لە خولی ئیتاڵین، هەریەک لە کریستیانۆ رۆناڵدۆ، پاتریک شیک، چیرۆ ئیمۆبیل، رۆمیلو لوکاکو، مانوێل لۆکاتێلی لە گۆڵکارانن، تەنها دینزیل دەمفریس لە ئایندهۆڤنە .
ئەمە جگە لەوەی هەڵبژاردەی ئیتاڵیا کە هەرەزۆری یاریزانەکانی لە خولی وڵاتەکەیانن، باشترین هەڵبژاردەی یۆرۆیە بە شەش خاڵ و شەش گۆڵ و هیچ گۆڵێکیان لێ تۆمارنەکراوە.
