گۆڵپارێزێکی ئینگلتەرا لە یۆرۆ دوورخرایەوە

یاریگا-دین هێندەرسۆن گۆڵپارێزی یانەی مانچێستەریونایتد و هەڵبژاردەی ئینگلتەرا بەفەرمی لە جامی نەتەوەکانی ئەورووپا دوورخرایەوە.

هێندەرسن ئازاری پێگەیشت و چەند رۆژێک لە مەشقەکان بەشدارنەبوو، دواتر بڕیاردرا بنێردرێتەوە بۆ مانچێستەر و لەبری ئەو ئارۆن رامسەدیل بانگهێشتکرا.

رامسدەیڵ یەکێک بوو لە بژاردەکانی ساوزگەیتی راهێنەر بەڵام دواتر دین هێندەرسۆن بانگهێشتکرا بۆ یۆرۆ. یاساکانی یوفا رێگە بە هەڵبژاردەکان دەدات لە هەر کاتێکدابێت گۆڵپارێزێکی نوێ بانگهێشتبکات ئەگەر یەکێک لە گۆڵپارێزەکانی دیکە تووشی پێکان هات.