یاریگا-
كیلیان مباپێی فەڕەنسی و ئەستێرەی یانەی پاریس سان جێرمانی هەمان وڵات باس لە داهاتووی خۆی دەكات.
گرێبەستەكەی مباپێ لەگەڵ پاریس لە هاوینی 2022 بەسەردەچێت و تا ئێستا سەرجەم ئۆفەرەكانی پاریسی بۆ نوێكردنەوەی گرێبەستەكەی ڕەتكردووەتەوە.
لە لێدوانێكی ڕۆژنامەوانیدا مباپێ ووتی: من پێوویستە بڕیارێكی درووست بدەم بۆ داهاتووم ، من لە شوێنێكی خۆشم و هەست بە دڵخۆشی دەكەم ، بەڵام ئایا ئێرە گونجاوە بۆ من؟ تا ئێستا وەڵامی ئەو پرسیارەم وەڕنەگرتووە.
ئەستێرەكەی هەڵبژاردەی فەڕەنسا بەردەوام بوو ووتیشی: هیچ پەلەم نیە بۆ بڕیاردان ، پێوویستم بە كاتە بۆ ئەوەی بڕیارێكی درووست بدەم ، ئەوەش كارێكی ئاسان نیە.
سەرچاوەكان بەشێوەیەكی بەهێز ناوی كیلیان مباپێیان بە ڕیزەكانی ڕیاڵ مەدریدەوە بەستووەتەوە.
