یاریگا–
لوکاس ڤازکیز، یاریزانی یانەی ریال مەدریدی ئیسپانیا لەگەڵ کارگێری یانەکەی گەیشتووەتە رێکەوتن و ئەو یاریزانە بۆ ماوەی چەند ساڵێکی دیکەش لەگەڵ یانەکەی بەردەوام دەبێت.
رۆژنامەی وەرزشی مارکای ئیسپانی نزیک لە شایانەکان ئاشکرای دەکات، کارگێری ئەو یانەیە لەگەڵ یاریزانی یانەکەیان گەیشتونەتە رێکەوتن و گرێبەستەکەی بۆ ماوەی سێ ساڵی دیکە نوێ دەکرێتەوە واتە تاوەکو هاوینی ساڵی 2024 لەگەڵ یانەکەی بەردەوام دەبێت.
ڤاسکێز لەوەتەی ساڵی 2015 لە ریزەکانی یانەی ریال مەدرید یاری دەکات و لەسەرجەم خوڵ و پاڵەوانتیەکانیش لەگەڵ یانەکەی بەشداری 240 یاری کردووە و 26 گۆڵ و 54 ئاسیست بەرهەمەکەی بووە و کۆتایی ئەم مانگەش گرێبەستەکەی بەسەر دەچێت.