یاریگا–
رومێلۆ لوکاکۆ، گۆڵکاری بەلجیکی یانەی ئینتەر میلانی ئیتاڵیا لەلایەن کارگێری یانەکەیەوە پەیوەندی پێوەکراوە لەگەڵ یانەکەیان بەردەوام دەبێت و بە هیچ شێوەیەک ئامادەنین دەستبەرداری بن.
رۆژنامەی لاگازێتادلۆسپۆرتی ئیتاڵیا لە دوایین ژمارەدا بڵاویکردەوە کە کارگێری نێرازۆری هێرشبەری بەلجیکی یانەکەیانی ئاگادار کردووەتەوە، ئەو دەنگۆیانە راست نین کە دەڵێن بۆ وەرزی داهاتوو دەستبەرداری دەبن، بە پێچەوانەوە ئەوان زۆر گرنگی بە تواناکانی دەدەن و لە پلانەکانی راهێنەری داهاتووی یانەکەیان دەبێت.
لەلایەکی دیکەوە سەرچاوەکە ئەوەشی باسکردووە ئەو یانەیە دەستبەرداری ئەشرەف حەکیمی بەرگریکاری مەغریبی یانەکەی دەبێت و ئەم بابەتەشیان لەگەڵ خودی ئەو یاریزانە باس کردووە و چاوەڕێش دەکرێت لە ماوەی چەند رۆژی داهاتوو ئەو یاریزانە بە گرێبەستێکی خەیاڵی پەیوەندی بە ریزەکانی یانەی پاریس سانجێرمانی فەرەنساوە بکات.