جۆكۆڤیچ: نادال گەورەترین ڕكابەری منە
یاریگا-
نۆڤاك جۆكۆڤیچی سڕبی دووپاتیكردەوە كە ڕافایل نادالی ئیسپانی گەورەترین ڕكابەریەتی و هەموو جارێك پێش ڕووبەڕووبوونەوەی بە جۆش و خرۆشە.
ئەمڕۆ یەكشەممە كاتژمێر 18:00 بەكاتی كوردستان لە یاری كۆتایی پاڵەوانیەتی ڕۆما بۆ تێنس جۆكۆڤیچ ڕووبەڕووی نادال دەبێتەوە.
لە دوای یاریەكەی بەرامبەر لۆرینزۆ سۆنیگۆ لە قۆناغی پێش كۆتایی جۆكۆڤیچ ووتی: دوای بردنەوەم لە سۆنیگۆ بە نادالم ووت كە ئێمە گەورەكان وازناهێنین ، دەزانم چەند ڕۆژێك پێش ئێستا ووتی كە خۆی و فێدرێر پیر بوون ، بەڵام من لەگەڵ ئەوەدا نیم.
خاوەنی ڕیزبەندی یەكەمی جیهان ووتیشی: شتێكی نایابە ئەنجامدانی یاریەكی كۆتایی دیكە لەگەل نادال ، ئەو گەورەترین ڕكابەری منە ، هەموو كات ڕووبەڕووبوونەوەی ئەو جۆش و خرۆشێكی تایبەتم پێدەبەخشێت.
شایەنی باسە نادال و جۆكۆڤیچ 56جار ڕووبەڕووی یەكتر بوونەتەوە ، یاریزانە سڕبیەكە 29 بردنەوەی بەدەستهێناوە و یاریزانە ئیسپانیەكەش 27 بردنەوە.
