فەرمی: یاریگای یاری كۆتایی چامپیۆنسلیگ دەستنیشانكرا

یاریگا- 

یەكێتی نێودەوڵەتی تۆپی پێی ئەوروپا ” یوفا ” بە شێوەیەكی فەرمی یاریگای یاری كۆتایی خولی یانە پاڵەوانەكانی ئەوروپای دەستنیشانكرد.

وا بڕیارە ڕۆژی شەممە 29ی ئایار هەردوو یانەی مانچێستەر سیتی و چێڵسی ڕووبەڕووی یەك ببنەوە لە یاری كۆتایی خولی یانە پاڵەوانەكانی ئەوروپای وەرزی 202/21.

وا چاوەڕوان دەكرا یاری كۆتایی لە یاریگای ئەتاتورك لە ئەستەنبوڵی توركیا بەڕێوە بچێت بەلام لەبەر مەترسی ڤایرۆسی كۆرۆنا گواسترایەوە.

كەمێك پێش ئێستا بەشێوەیەكی فەرمی بڕیاردرا یاری كۆتایی چامپیۆنسلیگ لە یاریگای ” دراگاو ” یاریگای پۆرتۆ لە پورتوگال بەڕێوە بچێت.

هەروەها یوفا ڕێگەیدا بە ئامادەبوونی 6000 هاندەر بۆ هەر یانەیەك ، واتە ڕێژەی 12 هەزار هاندەر ئامادەی یاریەكە دەبن.