یاریگا–
خوان لاپۆرتا، سەرۆکی یانەی بارسێلۆنای ئیسپانیا، بەهۆی ئەنجامە لاوازەکانی ئەم دواییەی یانەکەی و زیاتر بێ هیوا بوون لە بەدەست هێنانی ناسناوی ئەم وەرزەی لالیگا، داوای رونکردنەوە لە رۆناڵد کومان راهێنەری یانەکەی دەکات.
رۆژنامەی سپۆرتی کەتەلۆنی زانیاری دەستکەوتووە کە دوای یەکسانبونەکەی بارسا بەرامبەر لیڤانتی، سەرۆکی ئەو یانەیە لەگەڵ راهێنەری هۆڵەندی یانەکەی کۆبووەتەوە و داوای زۆرترین رونکردنەوەی لێکردووە و داواشی لێکردووە دەیەوێت بزانێت بۆچی یانەکەی لە کۆتا خولەکەکانی یارییەکان توانای ئەوەیان نیە پارێزگاری لە ئەنجامی یارییەکە بکەن، بۆیە چاوەڕێ دەکرێت دوای ئەم رونکردنەوانە داهاتووی ئەو راهێنەرە یەکلایی بکرێتەوە.
بارسێلۆنا سێ یاری رابردووی لەلالیگا تامی بردنەوەی نەکردووە، بەرامبەر گرانادا دۆڕاوە و لەگەڵ ئاتلێتیکۆ مەدرید و لیڤانتی بەرامبەربووە، بۆیە هەلی وەرگرتنەوەی پێشەنگایەتی خولەکەشی لەدەستداوە.
