تۆخێل ئامارێكی مێژوویی تۆماركرد

یاریگا-

تۆماس تۆخێلی ئەڵمانی و ڕاهێنەری یانەی چێلسی ئینگلیزی ژمارەیەكی پێوانەیی تۆماركرد.

تۆخێل توانی چێلسی بگەیەنێتە یاری كۆتایی خولی یانە پاڵەوانەكانی ئەوروپا دوای بردنەوەیان لە ڕیاڵ مەدرید بە ئەنجامی هەردوو یاری هاتن و چوون سێ گۆل بەرامبەر گۆڵێك.

بەپێی تۆڕی ئۆپتا كە تایبەتە بە ژمارە و ئامارەكان تۆماس تۆخێل یەكەم ڕاهێنەرە لە مێژووی ئەو پاڵەوانیەتیەدا بە هەردوو سیستەمی كۆن و نوێ لەگەل دوو یانەی جیاواز لە دوو وەرزی یەك لە دوای یەك بتوانێت بگاتە یاری كۆتایی چامپیۆنسلیگ.

شایەنی باسە وەرزی ڕابردوو تۆخێل توانی پاریس سان جێرمان بگەیەنێتە یاری كۆتایی ، دوای ئەوەی لە یاری كۆتاییدا بەرامبەر بایرن تووشی شكست هاتن.

چێڵسی لە یاری كۆتاییدا ڕووبەڕووی مانچێستەر سیتی دەبێتەوە بۆ دیاریكردنی ناسنامەی پاڵەوانی ئەم وەرزەی خولی یانە پاڵەوانەكانی ئەوروپا.