چوار هۆكار بۆ پەیوەندیكردنی نەیمار بە بارسێلۆناوە

یاریگا-

ڕۆژنامەی سپۆرتی كەتەلۆنی كلیلەكانی گەڕانەوەی نەیمار دا سێلڤای بەڕازیلی و ئەستێرەی یانەی پاریس سان جێرمانی فەڕەنسی بۆ بارسێلۆنا ئاشكرا كرد.

ڕۆژنامەكە لە ڕاپۆرتێكیدا ئەمڕۆ چوارشەممە ئاشكرایكرد بارسێلۆنا چوار كلیل و هۆكاری هەیە بۆ گەڕاندنەوەی نەیمار بۆ ڕیزەكانیان لە گواستنەوەكانی داهاتوودا.

1- دواخستنی نوێكردنەوەی گرێبەستەكەی لەگەڵ پاریس سان جێرمان: 

پاریس هەموو كارەكانی نوێكردنەوەی گرێبەستەكەی نەیماری تەواو كردووە ، تاكە شتێك كە نەكراوە واژۆكردنی نەیمارە لەسەر گرێبەستەكە.

2- گەڕانەوەی لاپۆرتا دانوستانەكان لەگەڵ پاریس ئاساتر دەكات:

گەڕانەوەی خوان لاپۆرتا بۆ پۆستی سەرۆكایەتی بارسێلۆنا كۆتایی بە پەیوەندیە نادیار و خراپەكەی نێوان هەردوو یانە بهێنێت.

3- كۆتا چانس بۆ گەڕاندنەوەی نەیمار:

تاكە چانس و كات بۆ گەڕاندنەوەی نەیمار بۆ بارسا هاوینی داهاتووە ، بە بێ گوێدانە قەیرانی دارایی یانەكە ، گرێبەستەكەی نەیمار لە ساڵی داهاتوو بەسەردەچێت ، ئەگەر گرێبەستەكەی نوێ نەكاتەوە ئەوا پاریس دەبێت ئەم هاوینە بیفرۆشێت ، پێش ئەوەی یاریزانەكە ئازاد بێت.

4- گەڕاندنەوەی نەیمار ئاسانكاری دەكات بۆ قایلكردنی میسی بە مانەوە:

گەڕانەوەی نەیمار بۆ بارسێلۆنا وا دەكات یاریزانە ئەرجەنتینیەكە ڕازی بێت بە مانەوە لە كامپ نۆو.