دوای سوارێز دوو ئەستێرەی دیكەی ئەتلەتیكۆ تووشی پێكان بوون
یاریگا-
پێكان بەرۆكی یاریزانەكانی ئەتلەتیكۆ مەدرید بەرنادات لە كاتێكی هەستیاردا دوو ئەستێرەی دیكەی یانەكە تووشی پێكان بوون.
كەمێك پێش ئێستا هەژماری فەڕمی یانەی ئەتلەتیكۆ مەدریدی ئیسپانی لە تۆڕی كۆمەڵایەتی تویتەر پێكانی جواو فلیكس لە قولەپێی ڕاگەیاند بە بێ ئاشكراكردنی ماوەی دووركەوتنەوەی هەروەها پێكانی تریپەریشی ڕاگەیاند و بەهۆیەوە هەردوو یاریزان نەیانتوانی یاریەكەی بەرامبەر ڕیاڵ بیتس تەواو بكەن و یاریگایان جێهێشت.
📋 @joaofelix70 sufre un esguince de tobillo, mientras que @trippier2 padece un dolor lumbar. Ambos quedan pendientes de evolución.
— Atlético de Madrid (@Atleti) April 12, 2021
شایەنی باسە چەند ڕۆژێك پێش ئێستا لویس سوارێز تووشی پێكانێكی سەخت بوو سەرچاوەكان ئاماژەیان بەوە كردووە ماوەی مانگێك لە یاریگاكان دوور دەكەوێتەوە.
ئەتلەتیكۆ مەدرید پێشەنگی لالیگای گرتووە بە كۆكردنەوەی 67 خاڵ و بە جیاوازی خاڵێك لە پێش ڕیاڵ مەدرید و دوو خاڵ لە پێش بارسێلۆناوەیە.
