بارسێلۆنا شەش یاریزانی دەكاتە قوربانی بۆ گواستنەوەی هالاند

یاریگا-

یانەی بارسێلۆنای ئیسپانی بە سەرۆكایەتی خوان لاپۆرتا چاوی لە تواناكانی هێرشبەری یانەی بروسیا دۆرتمۆندی ئەڵمانی ئیرلینگ هالاندی نەرویجیە.

بە پێی ڕۆژنامەی ماركای ئیسپانی دوای هەڵبژاردنەوەی وەك سەرۆكی نوێی بارسا لاپۆرتا هالاندی وەك گرنگترین گرێبەستی یانەكە دەستنیشاكرد.

گواستنەوەی هالاند زیاتر لە 100 ملیۆن یۆرۆی تێدەچێت بە گوێرەی سەرچاوەكان.

بەپێی ئەو قەرزەی لەسەریەتی بۆ بەدەستهێنانی هالاند بارسا دەبێت چەندین ئەستێرەی یانەكەی بفرۆشێت و ڕۆژنامەكان ئاماژە بەوە دەكەن یانە كەتەلۆنییەكە هەریەك لە كۆوتینهۆ و گریزمان و دیمبلی و ئۆمتیتی و برایسوەیت و فێربۆی بۆ فرۆشتن داناوە لە پێناو بەدەستهێنانی گۆڵكارەكەی دۆرتمۆند.