چامپیۆنزلیگ
لاپۆرتا: بارسێلۆنا شایستەی گەشتن بە قۆناغی چارەكی كۆتایی بوو
یاریگا-
خوان لاپۆرتای سەرۆكی یانەی بارسێلۆنای ئیسپانی پێی وایە یانەكەی شایستەی گەشتن بە قۆناغی چارەكی كۆتایی خولی یانە پاڵەوانەكانی ئەوروپا بوو.
یانەی پاریس سان جێرمان توانی لەسەر دەستی بارسێلۆنا و بە ئەنجامی هەردوو یاری هاتن و چوون پێنج گۆڵ بەرامبەر دوو گۆڵ شكست بە بارسێلۆنا بهێنێت و خۆی بگەیەنێتە قۆناغی چارەكی كۆتایی خولی یانە پاڵەوانەكانی ئەوروپا.
لە دوای یاریەكە سەرۆكە نوێیەكەی بارسێلۆنا ووتی: ” یانەیەكمان هەیە كە جێگای شانازیە ، بەرگریمان لە كەرامەتمان كرد ، شایەنی بردنەوە و سەركەوتن بووین”.
شایەنی باسە لە چەند ڕۆژی ڕابردوودا بۆ جاری دووەم خوان لاپۆرتا وەك سەرۆكی نوێی بارسا هەلبژێردرایەوە دوای بردنەوەی هەڵبژاردنەكان لە هەردوو كاندیدی دیكە ڤیكتۆر فۆنت و تۆنی فریچا.
