سیستمی ڤار گۆڵێکی یاریزان لیۆن گۆرێتزکای یانەی بایەرن میونشنی رەتکردەوە و ئەو یانە ئەڵمانییە بەرامبەر لێیپزیگ بێ گۆڵ یەکسان بوو، بەمەش یەکلا کردنەوەی خولی ئەڵمانی بۆ یاری داهاتوو دواکەوت
هۆینێسی سەرۆکی بایەرن میونشن هێرشیکردە سەر سیستمی ڤار و رایگەیاند
“من ئاستێکی زۆر بەرزی یانەکەم بینی. ئێمە زۆر باشتر بوین و زۆر چانسی گۆڵکردنمان هەبوو”
“سیستمی ڤار نوکتەی ساڵە چونکە هەڵەکە ، هەڵەی زەق نەبوو، ئەو سیستمە لەوێیە تاکو بۆ هەڵەی زەق بەکار بێت نەک ئەو حاڵەتانە”
ئەوەی بۆ میونشن جێگای نیگەرانی بووە دۆرتمۆند توانی سەرکەوتن بەدەستبهێنێت و جیاوازی خاڵەکانی لەگەڵ ئەو پێشەنگەی خولی ئەڵمانی بۆ دوو خاڵ کەم بکاتەوە
هەفتەی داهاتوو یەکلا دەبێتەوە کێ دەبێتە پاڵەوانی ئەڵمانیا بۆ ئەمەش هەردوو یانە تا کۆتا یاری خولی ئەڵمانی دەجەنگن
