یاریگا–
ماتیاس پۆگبا، برای پۆل پۆگبا ناوەڕاستکاری فەڕەنسی یانەی مانچێستەر یونایتد داوا لەو یانەیە دەکات دەستبەرداری براکەی بن.
برای ناوەڕاستکارەکەی شەیتانە سوورەکان بە رۆژنامەی میرەری گوتووە ” پۆل لەگەڵ یانەکەی دڵخۆشە، بەڵام ئەگەر ئەو یانەیە دەیەوێت پارەیەکی باشی لە فرۆشتنی ئەو یاریزانە دەستکەوێت، باشتروایە هاوینی داهاتوو دەستبەرداری بن، بە پێچەوانەوە لەوانەیە لە داهاتوو بێ بەرامبەر یانەکەیان جێبێڵێت “.
پۆگبا چەند وەرزێکە بووەتە ئامانجی یانەی ریال مەدریدی ئیسپانیا و بەم دواییەش یانەی یۆڤێنتۆسی ئیتاڵیاش ئامادەیی خۆی بۆ گواستنەوەی نیشانداوە.
