فلۆرینتینۆ پێرێز: ئامادەنەبوونی بێنزیما لەگەڵ هەڵبژاردەی فەڕەنسا نهێنیەكی گەورەیە
یاریگا- فلۆرینتینۆ پێرێزی سەرۆكی یانەی ڕیال مەدریدی ئیسپانی دووپاتیكردەوە كە ئەو تێناگات بۆچی تا ئێستا بێنزیما بانگهێشتی هەڵبژاردەی فەڕەنسا نەكراوەتەوە.
كەریم بێنزیما لە پێنج ساڵی ڕابردوودا بانگهێشتی هەڵبژاردەی فەڕەنسا نەكراوە ، بەهۆی ناكۆكی نێوان خۆی و دیدیە دیشامپی ڕاهێنەر دوای ڕووداوەكەی نێوایان لەگەڵ ماتیۆ ڤالبوینا.
پێرێز لە چاوپێكەوتنێكی ڕۆژنامەوانیدا كە ڕۆژنامەی ماركا بڵاویكردووەتەوە ووتی: نازانم و تێناگەم بۆچی بێنزیما بۆ هەڵبژاردەی فەڕەنسا یاری ناكات ، ئەو یاریزانێكی بێ وێنەیە.
هەروەها ووتیشی: پێم وایە ئامادەنەبوونی هێرشبەرەكە نهێنیەكی گەورەیە و لەدەستدانێكی خراپە بۆ كەڵەشێرەكان.
” بانگهێشت نەكردنی باشترین ژمارە 9ی فەڕەنسا و جیهان بارودۆخێكە كە كەس تێناگات ”.
لە لەكۆتایشدا ووتی: بنزیما ئەفسانەیەكی ڕیاڵ مەدریدە ئەو متمانەی تەواوی هاندەرانی بەدەستهێناوە و یەكێكە لە هێرشبەرە گەورەكانی ئێمە وەك ڕۆناڵدۆ و ڕائول و كریستیانۆ ڕۆناڵدۆ.
