یاریگا–
سەرۆکی یانەی پالماس ریگاتاسی بەڕازیلی لەگەڵ چوار یاریزانی ئەو یانەیە لە روداوی کەوتنەوە خوارەوەی فرۆکە گیانیان لەدەستدا.
یانە بەڕازیلیەکە لە ئاستی چواری بەڕازیل یاریی دەکات و شاندی ئەو یانەیە بریار بوو سبەی دووشەممە رووبەڕووی یانەی گواس ببنەوە، بەڵام لە کاتی گەشتی ئەو یانەیە بۆ شارەکە، فرۆکەکەیان دەکەوێتە خوارەوە و سەرۆکی یانەکە لەگەڵ چوار یاریزان لەم روداوە گیانیان لەدەستداوە.
لە ماوەی پێنج ساڵی رابردوو ئەمە دووەم روداوی کەوتنە خوارەوەی شاندی یانە بەڕازیلیەکانە، کە پێشتریش ژمارەیەک لە یاریزانانی چاپیکۆئێنسی گیانیان لەدەستدا.
