یاریگا–
نێیمار داسیڤا، هێرشبەری بەڕازیلی یانەی پاریس سانجێرمانی فەڕەنسا بانگهێشتی یاریی داهاتووی یانەکەی دەکرێت.
ماوریزیۆ پۆکێتینۆ راهێنەری یانە فەڕەنسیەکە لە کۆنگرەی رۆژنامەوانی پێش یاریی یانەکەی بەرامبەر مارسێی گووتی ” نیمۆ ماوەیەکە دەستی بە راهێنانەکانی کردووە و بە تەواوەتی لە پێکانەکەی چاکبووەتەوە، ئەو یاریزانەمان بۆ یاریی داهاتوو بانگهێشت کردووە، بەڵام تاوەکو سبەی چاوەڕێ دەکەین بزانین لە پێکهاتەی سەرەکی دەبێت یان نە “.
نێیمار نزیکەی یەک مانگ لەمەوبەر لە یاریی یانەکەی بەرامبەر لیۆن تووشی پێکان بوو و چەند رۆژێکە چاکبووەتەوە.
