ئیتاڵیا
چیسا: ڕۆناڵدۆ و دیبالا شتی مەحاڵ دەبینن
یاریگا- فیدریكۆ چیسا ، ئەستێرەی یانەی یوڤێنتوسی ئیتاڵی ستایشی ئاستی دیبالا و ڕۆنالدۆی كرد.
چیسا توانی لە یاری لوتكەی سێریا ئەی بەرامبەر میلان دوو گۆڵ تۆمار بكات و یاریەكە بە ئەنجامی سێ گۆڵ بەرامبەر گۆڵێك ببەنەوە.
لە دوای یاریەكە یاریزانە ئیتاڵیەكە ووتی: من باشم هەستم بە ئازار كرد بەڵام باش دەبم ، هیچ شتێكی ترسناك نیە.
هەروەها ووتیشی: ئەمساڵ جیاوازە لە ساڵی پێشوو دەبێت بە باشی یاری بكەیت ئەگەر گۆڵیش تۆمار نەكەیت.
سەبارەت بە دیبالا و ڕۆنالدۆ ووتی: كاتێك لەگەڵ ئەوان یاری دەكەیت شتەكان ئاسان دەبێت ، ئەوان شتانێك دەبینن كە یاریزانی ئاسایی نایبینێت ، یاری كردن لەگەل ئەوان هەستێكی تایبەتە.
