یاریگا–
رێنێ رامۆس، برای سێرخیۆ رامۆس بەرگریکاری یانەی ریال مەدریدی ئیسپانیا کە لە هەمان کاتدا بەرێوەبەری کارەکانیەتی، بێ دەنگی لەسەر داهاتووی براکەی شکاند.
رێنێ تویتێکی یەکێک لە رۆژنامەنوسە هاونیشتیمانیەکانی ریتویت کردووە کە نوسیویەتی ” بۆچی و کێ وایکردووە کە چارەنوسی سەرکردە و کاپتنەکەی ریال مەدرید وەک ئەوەی ئێستایە لێ بێت، بۆچی رۆژگاری یاریزانێکی گەورە وایلێهاتووە بتوانێت بە خۆرایی یانەکەی جێبێڵێت ” مەبەست لەم پۆستەش کاردانەوەی نوێ نەکردنەوەی گرێبەستەکەی سێرخیۆ رامۆسە.
رامۆس هاوینی داهاتوو گرێبەستەکەی لەگەڵ ریال مەدرید کۆتایی دێت و تاوەکو ئێستاش گرێبەستەکەی نوێ نەکراوەتەوە.
