یاریگا–
زینەدین زیدان، راهێنەری فەڕەنسی یانەی ریال مەدریدی ئیسپانیا ئاشکرای دەکات ئیدین هازارد یاریزانی بەلجیکی یانەکەی بۆ یاریی سبەی ئامادەیە.
راهێنەرەکەی شاهانەکان لە کۆنگرەی رۆژنامەوانی پێش یاریی یانەکەی بەرامبەر ئێلچێ گووتی ” هازارد بۆ ئەم یارییە دەتوانێت چەند خولەکێک یاریی بکات، ئەو یاریزانە یاریی رابردووش بۆ یاریی کردن ئامادەبوو، بەڵام بریارماندا کە پەلە نەکەین، بۆ ئەوەی بە تەواوەتی لە پێکانەی رزگاری بێت و هیچ مەترسیەکیشی لەسەر نەبێت “.
زیدان لە بەشێکی دیکەی قسەکانیدا ئاماژەی بە چارەنوسی ئیسکۆ و مارسێلۆ کرد و رەتیکردەوە ئەو دوو یاریزانەی پشتگوێ خست بێت و گوتی کە ئەوان بە هۆی دابەزینی ئاستەکەیان کەمتر بەشداریان پێدەکرێت.
