یاریگا–
ئێرلینگ هالاند، هێرشبەری نەرویجی یانەی بورووسیا دۆرتمۆندی ئەڵمانیا وەکو باشترین یاریزانی مانگی رابردووی بۆندزلیگا دیاریی کرا.
ماڵپەری فەرمی بۆندزلیگای ئەڵمانیا بڵاویکردووە گۆڵکارەکەی زەردەواڵەکان بە تۆمار کردنی پێنج گۆڵ لە سێ یاریی یانەکەی، وەکو باشترین یاریزانی مانگی رابردووی خولەکەیان دیاریی کراوە، ئەو یاریزانە لەو پێنج گۆڵە چواریان بەرامبەر هێرتابەرلین بوو.
هالاند بەم دواییە تووشی پێکان بووە چەند یارییەکی یانەکەی لەدەستداوە و چاوەڕێ دەکرێت تاوەکو سەرەتای ساڵی داهاتوو نەگەڕێتەوە.
