ئەم وەرزە كۆتایی هات بۆ یاریزانێكی بارسێلۆنا كە بە خواستن یاری بۆ یانەیەكی دیكە دەكات
یاریگا- موسا واگی سەنیگالی و یاریزانی یانەی بارسێلۆنای ئیسپانی كە ئێستا بەشێوەی خواستن یاری بۆ یانەی پاوك سالۆنیكی یۆنانی دەكات تووشی پێكانێكی سەخت هات.
واگی لە كۆتا یاری یانەكەی كە یەكشەممەی ڕابردوو بەڕێوە چوو، لە هەوڵی دەرهێنانەوەی تۆپ لە گۆڵەكەیاندا ئەژنۆی بە توندی بەر شیشی گۆڵ دەكەوێت و بە ئازارێكی زۆرەوە یاریگای جێهێشت.
ڤیدیۆی دیمەنەكە:
Fin de saison pour l'international sénégalais, Moussa Wagué qui s'est gravement blessé au genou au niveau des croisés après avoir heurté le montant. Il a tout de même réussi à sauver les siens en dégageant le ballon in extremis.
Bon rétablissement à lui.#CourageWague#Taggat pic.twitter.com/nA1VEm65c9— Taggat (@taggatsn) December 14, 2020
پشكنینە پزیشكیەكان كە بۆ یاریزانە تەمەن 22 ساڵانەكە كراوە دووپاتیانكردووەتەوە ناوبراو تووشی پێكانێكی سەخت بووە و دەبێت نەشتەرگەری بۆ بكرێت و بەوهۆیەشەوە ناتوانێت تا كۆتایی وەرز بگەڕێتەوە یاریگاكان.
پەڕەی فەڕمی بارسێلۆنا لە تویتەر نووسیوویەتی: ” دڵمان لەگەڵ تۆیە ، هیوای چاكبوونەوەی خێرات بۆ دەخوازین ، موسا بە بەهێزی بمێنەوە ”.
