ئەو منداڵەی وێنەکەی بڵاوبویەوە گەیشتە خەونەکەی

یاریگا–
چەند رۆژێکە وێنەی منداڵێکی میسڕی بە ناوی یوسف تۆڕە کۆمەڵایەتیەکانی تەنیوە و ئەو منداڵە هەژارە لە دەرەوەی یاریگا راهێنان لەگەڵ ئەکادیمیایەکی تۆپی پێ دەکات.

ماڵپەری FilGoalـی میسڕی بڵاویکردووەتەوە دوای بڵاوبونەوەی وێنەکەی یوسف بە جل و بەرگێکی دڕاو کە هەژاری دەسەلمێنێت، کاردانەوەیەکی گەورەی لە تۆڕە کۆمەڵایەتیەکان بە دوای خۆیدا هێنا، بۆیە یانەی میسڕ مەکاسە بریاریداوە بێ بەرامبەر ئەو منداڵە لە ئەکادیمیەکەیان ناونوس بکەن.

یوسف وێنەیەکی لە کاتی راهێنانەکانی ئەکادیمیایەک بڵاوبووەتەوە کە هاوشێوەی ئەوان، بەڵام لە دەرەوەی یاریگا لاساییان دەکاتەوە.