برونۆ فێرناندێز پێشەنگی سەرجەم یاریزانانی پێنج خولە بەهێزەکەی ئەورووپایە

یاریگا- ئاست و ئامارەکانی برونۆ فێرناندێز لە ئێستادا ڕکابەریی یانەکانی پریمەرلیگی بڕیوه و بە سەرجەم یاریزانانی پێنج خولە بەهێزەکەی ئەورووپا بەراورد دەکرێت.

شەوی ڕابردوو دوای ئەوەی تەنها لە گێمی دووەم بەرامبەر وێست هام بەشداریی پێ کرا و یارییەکەی لەپاشبوونی یەک بە هیچەوە گۆڕی بۆ 1-3 له بەرژوەندی مانچستەر یونایتد، توانی تەنها لەو 45 خولەکەدا هەشت هەلی گۆڵ تۆمار کردن بۆ هاوتیمیەکانی بڕەخسێنێ و ئەسیستێکیش بکات.

بەو ژمارەیە، یاریسازە پورتوگالییەکە لە دەستپێکی وەرزەکەوە تا ئێستا 35 هەلی گۆڵ تۆمار کردنی ڕەخساندووە، که زۆرترینه لە نێو سەرجەم یاریزانانی پێنج خولە بەهێزەکەی ئەورووپا.