هێرشبەرێكی پێشووی ئیتاڵیا: ڕۆناڵدۆ بەردەوام دەبێت لە گۆڵكردن تەنانەت ئەگەر بگاتە 40 ساڵیش

یاریگا- ئەنتۆنیۆ دی ناتالی، یاریزانی پێشووی ئۆدەنیزی و هەڵبژاردەی ئیتاڵیا، لەو بڕوایەدایە كریستیانۆ ڕۆناڵدۆی هێرشبەری یوڤێنتوس دەتوانێت بەردەوام بێت لە گۆڵ تۆمار تۆمار كردن هەرچەند تەمەنیشی زیاتر بێت.

دی ناتالی لە چاوپێكەوتنێكی ڕۆژنامەوانیدا ووتی: ئێمە باس لە یاریزانێكی ئەفسانەیی دەكەین، ڕۆناڵدۆ و میسی لە هەموو یاریزانێك زیاتر دەتوانن گۆڵ تۆمار بكەن.

هەروەها ووتیشی: ئەو ئێستا لە ئیتاڵیا بەردەوامە لەگەل یوڤێنتوس، ئەوەی لە ڕیاڵ مەدرید و مانچستەر یۆنایتد ئەنجامیداوە ، ئەو یاریزانەیە كە دەتوانێت لە وەرزێكدا 30 بۆ 35 گۆڵ تۆمار بكات.

” ئەو بەردەوام دەبێت لە گۆڵ تۆمار كردن ، تەنانەت ئەگەر تەمەنیشی بگاتە چل ساڵان، بە سەختی ڕاهێنان دەكات ”.

شایەنی باسە دۆن لە ساڵی 2020دا توانیویەتی 35 گۆڵ بۆ خانمە پیرەكە تۆمار بكات.