یاریگا–
ماڵپەری یوێفا ریزبەندی باشترین یانەکانی ئەوروپای بۆ مانگی رابردوو بڵاوکردەوە و ریال مەدرید پلەیەک دابەزیوە.
دوای کۆتایی هاتنی مانگی نۆڤامبەر فێدراسیۆنی تۆپی پێ ئەوروپا ریزبەندی باشترین یانەکانی بڵاوکردەوە و ریال مەدرید دوای زنجیرەیەک ئەنجامی لاواز لە چامپیۆنزلیگ پلەی سێیەمی لەدەستدا و بۆ پلەی چوارەمی ریزبەندیەکە دابەزی و یانەی یۆڤێنتوسی ئیتاڵی کە بە پێچەوانەوە ئەنجامی باشیان بەدەست هێناوە بۆ پلەی سێیەمی سەرکەوتن.
یانەکانی بایرن میونشن و بارسێلۆنا کە پلەی یەکەم و دووەمیان گرتووە، هیچ گۆڕانکاریەک لە پێگەکەیاندا نەکراوە، تەنها رێژەی ژمارەی خاڵەکانیان بەرز بووەتەوە.
