یاریگا- خافێر ماسكیرانۆ ئەستێرەی پێشووی هەڵبژاردەی ئارجێنتینا و یانەكانی بارسێلۆنا و لیڤەرپول وازهێنانی خۆی لە یاریكردن ڕاگەیاند.
ماسكیرانۆ لە ساڵەكانی 2010-2018 لەگەڵ بارسا ئاستێكی بەرزی پێشكەش كردووە وسەرجەم نازناوەكانی بردووەتەوە،یەكێك بووە لە ئەفسانە و سەركردەكانی یانەكە.
هەروەها لە دوای مۆندیالی 2018 وازهێنانی خۆی لە یاری نێودەوڵەتی ڕاگەیاند و لەگەڵ تانگۆ بۆ ماوەی 15 ساڵ یاریی کرد و توانی سێ گۆڵیش بکات.
ماسكیرانۆ لە كۆنگرەیەكی ڕۆژنامەوانیدا دوای یاری یانەكەی بەرامبەر ئەرجەنتینیۆس جۆنیۆرز ووتی: بڕیارمدا بەشێوەیەكی یەكجاری واز لە یاریكردن بهێنم، زۆر بیرم كردەوە پێشتر و بڕیارمدا لە دوای ئەمڕۆ یاری نەكەمەوە.
هەروەها ووتیشی: بڕیارێكی سەخت بوو، بە هەموو ئەوەی ژیاوم پێشكەشی تۆپی پێم كردووە، بەڵام دوای بیركردنەوەیەكی دوور و درێژ بڕیارمدا یاریگا بۆ هەمیشە جێبهێڵم.
💬 Javier @Mascherano "Quiero anunciar que hoy me retiro del fútbol profesionalmente, quiero agradecer a este club que me dio la oportunidad que de terminar mi carrera en Argentina" pic.twitter.com/UDU3WHwRb4
— Estudiantes de La Plata (@EdelpOficial) November 15, 2020
”دەمەوێت سوپاسی ئیدارەی یانەی ئیستوندیانتس بكەم كە ڕێگەیاندام لە ئەرجەنتین واز لە یاریكردن بهێنم”.
