زێدان: یاریەکەی ئینتەر وەک یاری کۆتایی وایە بۆمان

یاریگا – زینەدین زێدانی ڕاهێنەری فەڕەنسی و یانەی ڕیال مەدرید لە کۆنگرەیەکی ڕۆژنامەوانیدا کە بۆ یاریەکەی بەرامبەر ئینتەر میلان ساز کرابوو جەختی لەسەر گرینگی یاریەکە کردەوە و باسی بەهێزی یانەی ناوبراوی کرد.

ڕیال مەدرید لە دوو یاری یەکەمیاندا بەرامبەر شاختار و گلادباخ تووشی دۆڕاندێک و یەکسانبوونێک هاتوون، هەربۆیەش پێویستە هەموو هەوڵێک بدەن بۆ بەدەستهێنانی تەواوی خاڵەکان، لەمبارەیەوە زیدان ڕایگەیاند:

بەرامبەرەکەمان بەباشی دەناسین و دەزانین کێن، ئەوان تیمێکی باشن و یەکجار بەهێزن لەڕووی جەستەییەوە. ئەمە یاریەکی دیکەی سەخت دەبێت بۆمان، بگرە وەک یاری کۆتایی وایە.

شایانی باسە بەیانی ڕیال مەدرید لەنێو یاریگای خۆیاندا میوانداری ئینتەر میلان دەکەن لە کاتژمێر ١١ـــدا.