فەرمی: ئەیسی میلان گرێبەستی یاریزانێکی نوێکردەوە

یاریگا–
ئالێساندرۆ پلیزاری، گۆڵپارێزە لاوەکەی یانەی ئەیسی میلان گرێبەستەکەی تاوەکو کۆتایی ساڵی 2023 نوێکرایەوە.

ماڵپەری فەرمی رۆسێنەری بڵاویکردەوە بە مەبەستی زیاتر گرنگیدان بە گۆڵپارێزە 19 ساڵانەکەیان، بەرپرسانی یانەکەیان گرێبەستەکەیان بۆ ماوەی 4 وەرزی دیکە نوێکردەوە.

ئەم گۆڵپارێزە چاوەڕێ دەکرێت لە داهاتوو ببێتە شوێنگرەوەی دۆنارۆمای گۆڵپارێزی سەرەکی کە پێشبینی دەکرێت یانەکەی جێبێڵێت.