یاریگا–
کریستیانۆ رۆناڵدۆ، گۆڵکاری پۆرتوگاڵی یانەی یۆڤێنتوسی ئیتاڵیا دوای بردنەوەی یانەکەی لە دێربی تۆرین رایگەیاند پێویستی بەو گۆڵە هەبوو.
دۆن لە دوای یارییەکە بە رۆژنامەنوسانی گووت ” یارییەکی قورس بوو و خۆشحاڵم کە توانیمان بردنەوە بەدەست بێنین، من ماوەیەکی زۆر بوو بە لێدانی راستەوخۆ گۆڵم نەکردبوو و پێویستی زۆرم بەم گۆڵە هەبوو و بۆ ئەوەی لە داهاتوو بتوانم ئاستێکی باشتر پێشکەش بکەم “.
یۆڤێنتوس لە گەڕی 30ـی سێریائەی توانی بە چوار گۆڵ بەرامبەر گۆڵێک لە تۆرینۆ بباتەوە و یەکێک لە گۆڵەکانی یوڤی رۆناڵدۆ بە لێدانی راستەوخۆ تۆماری کرد.
