دوای سێیەم شکستی لەسەریەک چارەنووسی راهێنەری چێڵسی چی دەبێت؟

یاریگا –

چێڵسی بە راهێنەرایەتی لیام رۆسێنیۆر بەردەوامە لە ئەنجامە خراپەکانیان و ئەمشەو لەنێو یاریگای خۆیان بەخراپی بە مانجێستەر سیتی دۆڕا.

بلووز لە گەڕی 32ی یارییەکانی پرێمەرلیگ لەنێو ستامفۆردبریج میوانداریی سیتی کرد و بە ئەنجامی 0-3 بە تیمەکەی پێپ گواردیۆلا دۆڕان. کە ئەوەش سێیەم شکستی لەسەریەک بوو بۆ لیام و چوارەم دۆڕاندن بوو لە کۆتا پێنج یارییدا.

رۆسێنیۆر کە ئەم زستانە لە جێگەی ئینزۆ مارێسکا پۆستەکەی وەرگرت، گومان لەسەر داهاتووی دروستبووە ئەگەرچی خودی خۆی بە متمانە بە پرۆژە دوورمەوداکەیانەوە دەردەخات. لە کۆنفرانسی رۆژنامەوانی دوای یارییەکە سەبارەت بەو بابەتە وتی

ئەو ماوەیە، تەنانەت هەفتەی رابردووش، گفتوگۆی پڕ وردەکارییمان هەبووە کە پێویستە دوای مێرکاتۆی هاوینە چۆن بین. من دڵنیاییم هەیە و بە هەندێک کات دەتوانین شتی زۆر تایبەت دروستبکەین.

🚨 Liam Rosenior confirms he’s involved in Chelsea plans for future: “We’ve had, even over the last week, very detailed conversations about what we need to look like after the summer window”. pic.twitter.com/daXZrAHq8R

— Fabrizio Romano (@FabrizioRomano) April 12, 2026

لە درێژەی قسەکانیدا راهێنەرەکەی چێڵسی کە ئێستا تیمەکەی بە 48 خاڵەوە لە پلەی شەشەم دێن، پێپ گواردیۆلا و یۆرگن كڵۆپی بە نموونە هێنایەوە و وتی

تەنانەت گواردیۆلا و كڵۆپیش ساڵێکیان لە بەردەستدابوو بۆ چارەسەکردنی شتەکان. منیش مانگی یەنایەر هاتووم. لەگەڵ ئەوەشدا دەزانم کە دەبێ یارییەکان ببەمەوە.

🚨 Liam Rosenior: “I’m accountable. This is a group”.

“Our resilience is something we need to improve. It starts with your habits and values”.

“I can’t say there was a lack of effort. But there was a lack of confidence in the second half. We have to improve”. pic.twitter.com/aAX8ii79W0

— Fabrizio Romano (@FabrizioRomano) April 12, 2026