هانزی فلیک: بۆ بردنەوە لە ئاتلێتیکۆ مەدرید پێویستمان بە پەرجوو نییە

یاریگا –

هانزی فلیک هێشتا لە یاریی گەڕانەوەی چارەکی کۆتایی چامپیۆنزلیگ بێهیوا نەبووە ئەگەرچی یاریی چوونیان لەنێو کامپ نو 0-2 بە ئاتلێتیکۆ مەدرید دۆراندووە.

ئەمشەو دوای بردنەوە گەورەکەیان 4-1 لە ئیسپانیۆل لە چوارچێوەی گەڕی 31ی لالیگا کە جگە لەوەی جیاوازیی خاڵەکانیان لەگەڵ ریال مەدریدی نزیکترین رکابەریان بەرزکردەوە بۆ 9 خاڵ، هاوکات پاڵپشتێکی مەعنەویشی بۆ یاریزانەکانی فەراهم کرد بۆ سێشەممەی ئەم هەفتەیە بەرامبەر جەنگاوەرەکانی دیێگۆ سیمیۆنی.

لە وەڵامی ئەوەی ئایا پێویستیان بە پەرجوو “موعجیزە” هەیە بۆ بردنەوە لە ئاتلێتی و گەیشتن بە چوارگۆشەی زێڕینی پاڵەوانێتیەکە، راهێنەرە ئەڵمانیەکە وتی

پێویستمان بە هیچ پەرجوویەک نییە بۆ سێشممە. تەنها پێویستمان بە یارییە نایابەکەمانە، دەشتوانین ئەوە ئەنجام بدەین.

🚨 Hansi Flick: “We don’t need any miracle on Tuesday. We need our perfect match, and we can do it”. pic.twitter.com/oLRgVF17Av

— Fabrizio Romano (@FabrizioRomano) April 11, 2026

هەر لە بارەی ئەو یارییە چارەنووسسازە فلیک وتی

پێویستە ئەرێنی بیربکەینەوە. دەزانین کە بۆ سێشەممە پێویستمان بە یارییەکی ۆزر باش هەیە. بۆ ئەوەش ئەوپەڕی هەوڵی خۆمان دەدەین بۆ گەیشتن بە قۆناخی پێش کۆتایی.

🚨🗣️ Hansi Flick: “We have to think positively. We know we need a big game on Tuesday, and we’re going to work hard to make the semis.” pic.twitter.com/jOqBKq8rBo

— Managing Barça (@ManagingBarca) April 11, 2026