بارسێلۆنا بێهیوا دەکرێت؛ یوێفا تۆماری دەنگیی ڤار بۆ هیچ تیمێک نانێرێت
دەبێت خۆیان بچنە بارەگای یوێفا
یاریگا –
یوێفا تاوەکوو ئێستا تۆماری دەنگیی ڤاری بۆ هیچ یانەیەک نەناردووە کە سکاڵای لە بڕیارەکانی ناوبژیوان کردبێت.
هیچ حاڵەتێک نییە کە تێیدا یانەیەک دوای سکاڵاکردن لەسەر بڕیارێک، تۆمارە دەنگییەکانی ڤاری پێدرابێت. سەرنجڕاکێش دەبێت بزانین چی روودەدات ئەگەر یانەی بارسێلۆنا خۆیان بە شێوەیەکی مەیدانی بچنە بارەگای سەرەکی لە نیۆن بۆ گوێگرتن لە تۆمارەکان.
دوێنێ بارسێلۆنا سكاڵایەکی بە وردەکارییەوە ئاراستەی یوفای کردووە دوای ئەو رووداوانەی لە یارییەکەی بەرامبەر ئاتلێتیکۆ مەدرید روویاندا. مشتومڕەکە لەسەر بەرکەوتنی تۆپ بوو بە دەستی مارک پوبیل لە ناوچەی سزا لە خولەکی 54، دوای ئەوەی خوان موسۆی گۆڵپارێز یارییەکەی دەستپێکردەوە.
بارسێلۆنا پێی وایە ئەم کارە یاساکانی شکاندووە و دەبووایە لەلایەن ناوبژیوان ئیستڤان کۆڤاچەوە وەکوو لێدانی سزا هەژمار بکرایە، هەروەها پێیان وایە دەبوو ڤار پێی ئاگاداری بکاتەوە کە لەسەر شاشەکە پێداچوونەوە بۆ حاڵەتەکە بکات.
لە هەمان راپۆرتدا بارسێلۆنا رایگەیاندووە کە هەست دەکەن بەهۆی بڕیارەکەوە “زۆر زیانیان بەرکەوتووە”. لەبەر ئەوەی ئەنجامەکە گۆڕانکاری بەسەردا نایەت، ئەوان دەیانەوێت لێکۆڵینەوە لە کاری ناوبژیوانی بکرێت و دەستیان بگات بە گفتوگۆکانی نێوان ناوبژیوان و ڤار. ئامانجیان ئەوەیە یوێفا دان بە هەڵەکەدا بنێت و رێکاری تەمبێکاری بەرامبەر بەو ناوبژیوانانە بگرێتەبەر کە تێوەگلاون.
🚨PENALTI Y EXPULSIÓN DE PUBILL NO SEÑALADO‼️
▪️ Musso saca de portería dándole un pase a Pubill dentro del área, estando el balón en juego, el defensor del Atleti coge con las manos el esférico. Es penalti y expulsión por doble tarjeta. ¡Tremendo atraco!pic.twitter.com/ylEmiBOxsR
— Zona Blaugrana (@Zona_Blaugrana) April 8, 2026
سەبارەت بە تۆمارە دەنگییەکە، تاڕادەیەکی زۆر دڵنیایی هەیە کە یوێفا پێیان نادات، چونکە هیچ پێشینەیەک بۆ روودانی شتێکی لەم شێوەیە بۆ هیچ یانەیەک نییە. تەنیا ئەگەر ئەوەیە کە نوێنەرانی یانە کاتالوونییەکە خۆیان بچنە بارەگای سەرەکیی یوێفا بۆ ئەوەی راستەوخۆ گوێی لێ بگرن. لە ئیسپانیاش بە هەمان شێوەیە؛ لێژنەی ناوبژیوانان تەنیا کاتێک تۆمارە دەنگییەکان بە شێوەیەکی تایبەت دەخەنەڕوو کە یانەکان سەردانی بارەگای سەرەکییان بکەن.
سەبارەت بە سزادانی ئەگەری بۆ کۆڤاچ، ئەگەر وا دابنرێت کە ئەوە تەنیا لێکدانەوەی خۆی بووە بۆ یارییەکە، ئەوا بەزۆری نابێتە هۆی گرتنەبەری ڕێکاری تەمێکردن. هەمان شت سەبارەت بە دەستوەردان نەکردنی ڤاریش جێبەجێ دەبێت. لەگەڵ ئەوەشدا، دەبێت چاوەڕێ بکەین و بزانین ئایا ئەم ناوبژیوانە ڕۆمانییە — کە پێشتر یاریی کۆتایی لە هەر سێ پاڵەوانێتییەکەی یانەکانی ئەوروپا بەڕێوەبردووە — بۆ هیچ کام لە یارییەکانی پێش کۆتایی خولی یانە پاڵەوانەکان (چامپیۆنزلیگ)، خولی ئەوروپی (یۆرۆپالیگ)، یان کۆنفرانس لیگ هەڵدەبژێردرێت یان نا.
